منتدى الطلاب السودانيين بجامعة الإمارات العربية المتحدة


انضم إلى المنتدى ، فالأمر سريع وسهل

منتدى الطلاب السودانيين بجامعة الإمارات العربية المتحدة
منتدى الطلاب السودانيين بجامعة الإمارات العربية المتحدة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

مسطول جوه بطن أمووو...ما يفوووتكم‏

4 مشترك

اذهب الى الأسفل

مسطول جوه بطن أمووو...ما يفوووتكم‏ Empty مسطول جوه بطن أمووو...ما يفوووتكم‏

مُساهمة  Awab.a الجمعة يناير 01, 2010 12:07 am

مسطول بيحكي في حياته و هو جوه بطن امه...



في البداية لما كنت نطفه كنت قايل روحي إني من كريات الدم البيضاء!!!!
ماعرفت إني من بني البشر إلا لما قالت الدكتورة لأمي مبروك يا مدام إنتي حامل
أمي طبعا من الفرحة ختت ايدها على بطنها في المكان الأنا موجود فيه .. عرفت إني المقصود وفهمت إني مشروع بني آدم!!
بيني وبينكم أتضايقت .. قلت مالي ومال وجع الراس أطلع لعالم تاني وأبقى إنسان وفي حساب وعقاب وقراية ودرس عصر..
همس لي عقلي قال أحمِد ربك حتطلع ويبقى عندك إيميل ، وماسنجر 8 ، صحي أنه يطفش بس ما مشكلة, وبعدين تخش في فتش وتخش مدرسة وجامعة وتجكس والحاجات دي..
قلت في بالي لا كان كده ما مشكلة!!!!
الفرحة طبعا قربت تشرطني و قلت خلاص أطلع هسا قال لي بدري لسه باقي تسعة شهور (غايتو جنس احباط )
ولما بقى عمري خمسة شهور كنت حاسي إني ذكر بس قلت يمكن أكون أنثى!!
بقيت أقطع من الشعيرات الدموية وأقول غلام .. فتاه.. صبي.. صبيه.. ولد.. بنت
قعدت أمصمص صباع كراعي الكبير لحدي نمت..
أثناء ماانا نايم أمي الله يهديها شربت مويا بكميات كبيره على غير العادة صحتني من نومي, بس والله انبسطت قعدت ألعب بالمويا بكرعيني وكنت داير أسبح بس للأسف ما لقيت لي مايوه, وخفت ابل شعري ساي!!!
لما جاء الشهر السابع مشت أمي ومعاها أبوي للدكتورة عشان تتطمن على صحتها..
طبعا رقدوها فوق السرير وأبوي واقف جنبها بيحسسها بالأمان (قلت ليه هي حامل بوحش ولا شنو؟؟؟؟)
الدكتورة ختت جهاز على بطن أمي وبدت تحرك يمين يسار فوق تحت وهم شايفني على الشاشة..
بقيت أنا بعد داك أتدلع وأحرك كرعيني وأفتح عيوني وأغمضها بنعومة وأمص صباعي وأوزع ابتسامات والحاجات بتاعة الشفع دي..
وأمي وأبوي قاعدين يكشفوا لبعض ويتبادلوا نظرات الحب والرومانسية ويتبسموازي كانو عملو ا لحدي الدكتورة شالت الجهاز وانقطعت عن الرؤية...
وأنا أقول أحسن زاتو, تقول عمرهم ماشافوا ليهم شافع..
أمي بعد داك سألت الدكتورة متين موعد الولادة قالت ليها لسه باقي شهرين..
سمعت الخبر وجاني انهيار عصبي شهرين يامفتريه خلاص أنا طفشت أنكتمت الجو حار مافي إلا مكيف صحراوي و ماببرد كمان..
قلت يا زول بعد ده مابصبرنا غير النوم ونمت شهرين ( نومه أهل الكهف)..
صحيت من النوم وحسيت بملل وفراغ قاتل حاولت أرفّه عن نفسي وبقيت ألعب لعبة نط الحبل باستخدام الحبل السري!!!!!
وبقيت أنطط وأغني قمر شمس نجوم كواكب هواء واحد اثنين ثلاثة هيييييييييييييييه
وفجأة من قوة التنطيط بتاعي اتزلقت وانقلبت, بقى راسي تحت وكرعيني فوق قامت أمي قعدت تكورك..
ساقها أبوي على طول لأقرب مستشفى الدكتور قال دي ولادة, لما سمعت الخبر فرحت شديد وقلت أخيرا حنطلع من الكتمة دي..
وبديت أقشر وارتب حالي استعدادا للقاء الأول مع صديقتي بالحضانة..
وأمي كل شوية تتعالى صرخاتها ختوها فوق السرير سايقنها لغرفة الولادة وأبوي ماشي جنبها..
وشابكها ماتخافي أنا معاكي وهي ترد ليهو خايفة أموت وانأ بولد , أبوي رد عليها والدموع تنهمر من عينيه ما تقولي كده إن شاء الله يومي قبل يومك وأنا قاعد أقول لسه ماوصلنا غرفة الولادة؟؟؟ إنكتمنا يا عالم انكتمنا باهوه هوّوووووووونا
طبعاً ختو أمي في السرير الموجود بالغرفة وجاء الدكتور ومعاه النيرسات..
الدكتور قال لأمي زفيييييييييير أمي من الخلعة فهمتها عكس أدتها شهييييييييييق وبقيت انا بتشفط وأخش جوّووا ضربت أمي بكوعي..
قلت ليها قال ليك زفير زفير الظاهر أمي سمعتني وزفرت زفرة وأنا طلعت
وطلع كل شي فيني إلا نخرتي قلت لاحولا أهو ده الانا كنت خايف منه!!!!
الدكتور استدعى الطاقم الطبي عشان يطلعو نخرتي حاولوا المرة الأولى والثانية مانفع وبعد ثالث محاوله طلعوها (الثالثة ثابتة..)
قعدت أبكي واصرخ وأقول للدكتور غض البصر يا حيوان..
بعد داك شالتني النيرس ولفتني بذاك البشكير الأبيض..

ياسلاااااااام وأخيرا انتهت معاناتي:d
Awab.a
Awab.a
Admin

عدد المساهمات : 57
تاريخ التسجيل : 23/12/2009
العمر : 31

https://uaeuss.yoo7.com

الرجوع الى أعلى الصفحة اذهب الى الأسفل

مسطول جوه بطن أمووو...ما يفوووتكم‏ Empty رد: مسطول جوه بطن أمووو...ما يفوووتكم‏

مُساهمة  boggy الإثنين يناير 04, 2010 4:30 am

ههههههههههههه والله يا اواب ما عارف ارد اقول شنو زاتو....ههه....لكن الموضوع شيق والله, مسك بينا زمن .
boggy
boggy
أعضاء الرابطة
أعضاء الرابطة

عدد المساهمات : 65
تاريخ التسجيل : 24/12/2009
العمر : 33
الموقع : www.reverbnation.com/krayzieao

الرجوع الى أعلى الصفحة اذهب الى الأسفل

مسطول جوه بطن أمووو...ما يفوووتكم‏ Empty رد: مسطول جوه بطن أمووو...ما يفوووتكم‏

مُساهمة  البرنس90 الإثنين يناير 11, 2010 5:30 am

أهم حاجة في الموضوع الاندماج و تتخيل المنظر بس ..... هههههه
مبدع يا أواب والله (^_^)
البرنس90
البرنس90
أعضاء الرابطة
أعضاء الرابطة

عدد المساهمات : 5
تاريخ التسجيل : 28/12/2009
العمر : 33

الرجوع الى أعلى الصفحة اذهب الى الأسفل

مسطول جوه بطن أمووو...ما يفوووتكم‏ Empty رد: مسطول جوه بطن أمووو...ما يفوووتكم‏

مُساهمة  DR Fox الخميس يناير 14, 2010 12:47 am

ههههههههههههههههههههههههههههههههههههههههههه
ازا الشافع في بطن امو فصييييييييييييييييييييييييييييييح
لمن يكبر الله يسسسسسسسسسسسسسسسسسسستر ساااااي
هع هع هع هع هع
DR Fox
DR Fox
أعضاء الرابطة
أعضاء الرابطة

عدد المساهمات : 31
تاريخ التسجيل : 11/01/2010
العمر : 35

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى