منتدى الطلاب السودانيين بجامعة الإمارات العربية المتحدة

دا منو السماكي ندي؟؟

استعرض الموضوع السابق استعرض الموضوع التالي اذهب الى الأسفل

دا منو السماكي ندي؟؟

مُساهمة  ود السر في الأربعاء ديسمبر 30, 2009 4:01 am

أحياناً ترتبط الأسماء بشيء معيّن في البال ، أي أن الإسم يدل على سيدو! وإسم ندى ارتبط بيهو الجمال، دائماً تكون ندى سمحة .. شاعر هذه القصيدة حكى مناسبتها وقال أنهم عندما كانوا في جامعة الخرطوم ألّفوا قصيدة في "ندى" ، وأثناء ما كان صديق الشاعر بيلقي في القصيدة فوجئ شاعرنا إنو في "بت ولاّ ولد ما عارف" -على حد تعبيره - وقفت جنبو ودار بينهم حوار إنو البت طلبت منّو إنو ما يقولوا القصيدة دي تاني عشان الناس جننوها وقالوا ليها "كتبوها فيك" طبعاً الشاعر وبطريقتو الساخره سألها "وإنتي الدخّلك شنو!؟" قالت ليهو إنو إسمها ندى ...
وطبعا ندى دي شينه شنا بطاله حسب ما فهمت اجاركم الله ، واخونا الشاعر حرقتو ليك شديييييييد وقال ليها :



قلتي ليّ سموك ندى!؟!

وده منو السمّاك ندى؟

ده أكيد أبوك

إنعل كِدة!

فيك شنو يسمّك ندى!؟

في صوتك أتخن مننا

إضنين كُبار زي دِشّنا

وتقولي ليّ سمّاك ندى!

خشمك ده ريحتو معفّنة

ايدين كبار حقات بُنى

وتقولي لي سمّاك ندى!؟

المشية كتّاحة وعلال

كرشك تقول شايل جَنى

وتقولي لي سمّاك ندى!؟

قالت لي "ها هدى في البطاقة إسمي ندى"

شوف يا أخ..

مافيش علاقة بينك وبين ندى

خلّيها ندى ..

خالت قريبة جارت صديقة ناس ندى

ما فيش علاقة

ندى في العيون أكحل مجعّد مسوّدة

انتي العيون فوقن قضى

ندى في الحواجب زي هلال

قصة نصوم دي مؤكدة!

انتي الحواجب دلجة بس

قلم الحواجب هاردها

وتقولي لي سمّاك ندى!؟

ندى تبتسم آلالاف مؤلفة تسعدها

وانتي الخشم شارّة التلاليش

بس طبق ومغطّي صينية الغدا

ندى في الوشيش نظرك بشيش..

ما يعقّدها

وانتي الوشيش وش الجحيش

نخرين كُبار كُرعين ردا

وتقولي سمّاك ندى!

قاتلي "آي أنا إسمي ندى"

شوفي أوعك تقولي اسمك ندى

ندى ما بس الاسم

ندى الجمال زايد الأدب زايد العلم زايد الفهم

ندى في الجمال ما شُفنا أجمل من كِده

ندى في الدلال خصّاها بيو رب العباد حين أوجدها

ندى في الأدب ..

ربّوها بيو رجال ياكلو النار مولّعة موقدة

ندى في الكلام

طبيعي صوتا بيجيب صدى

ندى في "البزاغ" ..

شربتي "سفن أب" ياهو ده !

وتقولي لي سمّاك ندى




انا ماكنت متخيل ندى دي تكون بالشنا دي

ود السر
عضو مجلس الشرف

عدد المساهمات : 9
تاريخ التسجيل : 24/12/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: دا منو السماكي ندي؟؟

مُساهمة  كلك حلو في الأربعاء ديسمبر 30, 2009 1:02 pm

لا حولا الله
انتهى منها
والله
ود السر .
.. تسلم يدك

كلك حلو
أعضاء الرابطة
أعضاء الرابطة

عدد المساهمات : 21
تاريخ التسجيل : 26/12/2009
العمر : 21

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: دا منو السماكي ندي؟؟

مُساهمة  Awab.a في الأربعاء ديسمبر 30, 2009 4:47 pm

دي بتكون حردت الإسم ...هههههه

و كل واحدة إسمها ندى حتجيها نفسيات Very Happy .... الله يستر .

مشكور يا ود السر .....

_________________
[ندعوك للتسجيل في المنتدى أو التعريف بنفسك لمعاينة هذه الصورة]

النفس تبكي على الدنيا و قد علمت .... أن السعادة فيها ترك ما فيها

Awab.a
Admin

عدد المساهمات : 57
تاريخ التسجيل : 23/12/2009
العمر : 23

معاينة صفحة البيانات الشخصي للعضو http://uaeuss.yoo7.com

الرجوع الى أعلى الصفحة اذهب الى الأسفل

رد: دا منو السماكي ندي؟؟

مُساهمة  SaTti في الأربعاء ديسمبر 30, 2009 9:58 pm

لا لا لا في وحدة اسمها ندى دقت جرس قالت الا ود السر تلم فيوووووووو
دقست يامان

SaTti
عضو إداري

عدد المساهمات : 39
تاريخ التسجيل : 23/12/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: دا منو السماكي ندي؟؟

مُساهمة  حمود الطريفي في السبت يناير 02, 2010 12:44 pm

ابدااااااااااع × ابداااااااااااااع


تسلم ع الموضووع الروعــــــــــه

تقبل مروري ...

حمود الطريفي
أعضاء الرابطة
أعضاء الرابطة

عدد المساهمات : 129
تاريخ التسجيل : 27/12/2009
العمر : 25
الموقع : نسيت

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى