منتدى الطلاب السودانيين بجامعة الإمارات العربية المتحدة

ماااااهو الشاكووووش

استعرض الموضوع السابق استعرض الموضوع التالي اذهب الى الأسفل

ماااااهو الشاكووووش

مُساهمة  ود السر في الأربعاء ديسمبر 30, 2009 4:20 am

شاكوش يعني واحد من الطرفين يخلي التاني .. لغير الناطقين باللهجة السودانية ..
لمن يزهج الولد من البت ويفكها عكس الكتاحة بمختلف
التخصصات ولغات التخصصات

كلية طب الأسنان ..

لمن يحصل تسوس بالشكل ده في حياتنا يا منال...لازم نقلع اسباب التسوس من جذوره... التخدير الموضعي لآلمنا ما بحل المشكلة...ومحاولة التقويم فشلت معاكي للاسف..ودايما بتركبي لي ضرس ما ضرسك..عشان كده الجسر امتد وزاد بيناتنا ...وقدر ما حركت فكي معاكي برضو مصرة تجيبي لي التهاب في اللثة ...انتي بقيتي حشوة مؤقتة لقلبي وانا محتاج حشوة دااااااااااااااايمة

كلية علوم التغذية ..
منال انتي سببتي لي تسمم في حياتي ..وعلاقتنا دي ناقصة فايتمين.. ولازم تنتهي لأنو الاستمرار فيها غير صحي على الاطلاق
وبعدين انا زهجت من المحاولات الفاشلة لتعقيم علاقتنا.. و زهجت من تطهيرك لجروحي القديمة...وبقى عندي عسر في هضم شخصيتك...حتى شهيتي للونسة مع البنات اتسدت
كفانا مواد حافظة يا دي
كلية هندسة الجينات ..
منال...انتي عارفة انو جيناتك هي السبب؟!!...ضعف المناعة العاطفي موروث في عيلتك.. أنا آسف بس أحماضنا النووية ما بتتفق ولازم نتحلل....وكلو كروموسوماية تمشي جهة
وكلو نواة تطلع خليته
كلية علوم الطيران ..
منال...يؤسفني اقول ليكي اني دقيت ليكي خروج نهائي من حياتي...اعمل شنو ياخ؟...انتي عارفة انو مكنة الحب بتخرب عاجلا ام آجلا..وبعدين انا زول درجة اولى وانتي يا دااااااااااب درجة الأفق
انا وانتي طيارتنا وررررررررر اقلعت ...ما تخلينا نهبط هبوط اضطراري برة مدرجات الحياة
كلية الموسيقى والمرح والدراما ..
اسمعيني يا منال انا بحبك مووووووووووووت ومتمني أعرسك الليلة قبل بكرة...اها نمشي نشتري الشبكة متين؟
رأيك شنو في الدور ده؟...ما انفع ممثل يا منال؟
اسمعيني يا منال...بصراحة السيناريو بتاع حبنا ده فيهو خروج عن النص...حياتنا بقت نشاز...وانا بفتكر اننا لازم نفكر في الحوارات البتدور بيناتنا على مسرح الواقع.... ولازم نعزف عزف انفرادي كلو واحد براااااااااااااااهو.. فهمتيني مش؟؟
هاااااا؟؟...لأ المرة دي انا جاااااااااااااااااااادي....تمثيل شنو يا دي؟
ما تفهمي ياااااااااااخ ..الا ألحن ليك كلامي ده ؟
كلية هندسة الإتصالات ..
بصراحة يا منال انا كنت قايلك في السلك...لاكين طلعتي موبايل بلا بطارية... انا وانتي لازم نقطع اتصالاتنا ببعض..انتي مرات مشغولة...ودايما مقطوعة ..المسافات بيناتنا زادت..ومشاعرنا بقت مشوشة لأنو عواطفنا للأسف بقت لاسلكية
ياخي باختصار...حبنا طلع برة الشبكة
كلية الهندسة الزراعية ..
عارفة يا منال؟...الحب ده بذرة دايرة ليها تربة ممتازة...وموية نضيفة...واضاءة كافية شان تنمو...وانت للأسف تربتك ما نضيفة وماااااااااااااااالحة تب... و مويتك ما ارتوازية....وكان لازم نحصد الفشل في علاقتنا دي..خلينا من التفرع في المواضيع الغير مورقة....علاقتنا اصيبت باليرقات وانتي للأسف استخدمتي المبيدات العاطفية من غير ما تكلميني..بعدين بصراحة انا خايف انو براعمنا في المستقبل يطلعو زيك كدا
كلية علم البصريات ..
منال انتي عارفة اني زول عندي بعد نظر..وشايف اننا ما بننفع لبعض...اقول ليكي أنا ما قادر اكمل.. حاكتب كلامي على ورقة...ركزي معاي وحاولي تقري الحروف دي
I

H
A
T
E

U
أها غمضي العين الشمال...وافتحي اليمين...قريتيها؟ ...... كلك نظر يا منال
كلية علم الكيمياء ..
شوفي يا منال لمن تحصل أكسدة بيناتنا ده معناتو اني قلوي...وانتي حااااااااااااااااااااااامضة ..انتي زمان كنت فلذة كبدي...لاكين انا بطلت أطلع مع اشباه الفلذات.. وبعدين القال تتفاعلي كدة منو؟...انتي ما عارفة انو التفاعلات العاطفية بتحول محلول المشاعر الى محلول لا لون له ولا رائحة؟
الحكاية دي فجرت معمل حبنا للأسف ...وبعدين انا اكتشفت لي عنصر مشع...وما مستعد اخليها عشان عنصر خامل زيك انتي
كلية علم الإقتصاد ..
عارفة يا منال...المشكلة ومافيها انو حصل ركود لمشاعرنا....والاسعار العاطفية انخفضت...حتى أسهم القلب بقت بمعدل سهم واحد لكل 100 نبضة....وبعدين البضاعة العاطفية ما لعبة ياااااااااااخ
انتي مش عارفة انك حسب قانون العرض
والطلب لمن تزيدي في كمية الحنان ممكن يحصل نقصان في سعر العاطفة؟
كلية الآداب قسم علم الآثار ..
منال اسمحي لي انك تحفة مزيفة...الجكس كلهم تحف عتيقه و نادرة الا انتي.. ما عندك غير فك الرموز بالطريقة التعجبك...تنقبي عن المشاكل تنقيب...وبعدين انا وانت اساسا حضاراتنا مختلفة من البداية...وافتكر حقو ندفن البيناتنا بعد ده.... هووووووووووي مالك بتعايني لي كدا...ما فهمتي؟...ليــــــــــــه أنا بتكلم لغة مسمارية ولا شنو؟...شنو لعنة الفراعنة الانا اتبليت بيها دي
كلية الفيزياء قسم العلوم الفلكية ..
اسمعي يا منال انتي ما لاحظتي انو سنتنا الضوئية مرت بسرعة؟
يا بت الحلال الشمس والقمر ما بتلاقو في سما وااااااااحدة...يعني
باختصار نجم حبنا أفل... وبعدين انا كنت قايلك مجرة مختلفة عن باقي المجرات...كنت قايل ما ليك زي في الكون...طلعتي ثقب اسود في حياتي...وانا بالشكل ده ح الف معاك مدارات الحياة من غير اي هدف
أفتكر كلامي واضح وضوح كوكب الزهرة الساعة 4 الفجر
كلية علوم البحار ..
اسمعي هنا ده... مركب فيهو قبطانين بغرق أديــــــــــــــــــــــــــــــــــــــــــــــــل كدة...وبعدين انتي ما ملاحظة اننا دايما ماشين عكس التيار؟...وانو أمواج الحياة بترزع في مركبنا ده يمين وشمال من غير اي سبب...انت ليــــــــــــــــــــــه مصرة تغرقيني معاك يا منال؟... ياخي انا زهجت من المد والجزر الحاصل لي بسببك
يلا بعد ده نزلي شراعك من حياتي ...واقطعي خطافك عني
البحر ملاااااااااااااااان اسماك

ود السر
عضو مجلس الشرف

عدد المساهمات : 9
تاريخ التسجيل : 24/12/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ماااااهو الشاكووووش

مُساهمة  ملك روحي في الأربعاء ديسمبر 30, 2009 11:23 am

هههههههههههههههه موضوعك جميل واسلوبو يخلي الزول يقراهو للاخر
شكرا ليك
لاكييييييييييييييييييين طالما الشاكوش بحصل لي كل من الطرفين ... ليه مدخل الموضوع دا في منتدى خاص بمواضيع البنات فقط المفروض يكون في المنتدى العام لانو الشواكيش دي للاولاد والبنات يعني موضوع عام
والكمل الناقص انو المنتدى زاتو ما لي كل البنات لي بنات الرابطة الما معروف هم منو ؟؟؟؟ حتى انا مشاركتي يمكن تكون غلط في المنتدى دا هههههههه

تقبل مروري مع خالص التقدير و الاحترام
....................................................................
ولو جينا لي صلب الموضوع موضوع الشاكوش دا موضوع بايخ سواء من البت ولا من الولد لانو في اذية للطرف التاني في مختلف المجالات سواء ماديا او معنويااا ...علشان كدا الزول من الاول يحدد حجم العلاقة شنو وما يعشم الزول لي درجة انو لو سابو بعض يعتبر شاكوش

والله يبعد الشواكيش منكم ههههههههههههههههه



تحياتي..ملك

ملك روحي
أعضاء الرابطة
أعضاء الرابطة

عدد المساهمات : 352
تاريخ التسجيل : 24/12/2009
العمر : 21

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ماااااهو الشاكووووش

مُساهمة  كلك حلو في الأربعاء ديسمبر 30, 2009 12:42 pm

لمن يزهج الولد من البت ويفكها عكس الكتاحة


ود السر احيك على الموضوع اللزيز ده
بس شنو يعني لمن الولد يزهج من البت يفكها حكس الكتاحه؟!!!
الشاكوش هو :
لمن البت تزهج من الولد وكلامو الكتير وعدم موضوعو .... بتفكو عكس الهوى Laughing

كلية علم الإقتصاد ..
عارفة يا منال...المشكلة ومافيها انو حصل ركود لمشاعرنا....والاسعار العاطفية انخفضت...حتى أسهم القلب بقت بمعدل سهم واحد لكل 100 نبضة....وبعدين البضاعة العاطفية ما لعبة ياااااااااااخ
انتي مش عارفة انك حسب قانون العرض
والطلب لمن تزيدي في كمية الحنان ممكن يحصل نقصان في سعر العاطفة؟

هههههههههههههههههههههههههههه
ههههههههههههههه
ديل احلى ناس والله
.... تسلم يدك يا ود السر
ودي

كلك حلو
أعضاء الرابطة
أعضاء الرابطة

عدد المساهمات : 21
تاريخ التسجيل : 26/12/2009
العمر : 21

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ماااااهو الشاكووووش

مُساهمة  BaNdA في الأربعاء ديسمبر 30, 2009 2:28 pm

فعلن موضوع لذيذ لكن [ندعوك للتسجيل في المنتدى أو التعريف بنفسك لمعاينة هذه الصورة] البت الإسمها منال دي إتعذبت مع كل التخصصات [ندعوك للتسجيل في المنتدى أو التعريف بنفسك لمعاينة هذه الصورة] انا خايف تبقى معقدة من روحة بعدين [ندعوك للتسجيل في المنتدى أو التعريف بنفسك لمعاينة هذه الصورة] وشكرا.........

BaNdA
أعضاء الرابطة
أعضاء الرابطة

عدد المساهمات : 34
تاريخ التسجيل : 23/12/2009
العمر : 25

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ماااااهو الشاكووووش

مُساهمة  Awab.a في الأربعاء ديسمبر 30, 2009 3:49 pm


كلية علم الكيمياء ..
شوفي يا منال لمن تحصل أكسدة بيناتنا ده معناتو اني قلوي...وانتي حااااااااااااااااااااااامضة ..انتي زمان كنت فلذة كبدي...لاكين انا بطلت أطلع مع اشباه الفلذات.. وبعدين القال تتفاعلي كدة منو؟...انتي ما عارفة انو التفاعلات العاطفية بتحول محلول المشاعر الى محلول لا لون له ولا رائحة؟
الحكاية دي فجرت معمل حبنا للأسف ...وبعدين انا اكتشفت لي عنصر مشع...وما مستعد اخليها عشان عنصر خامل زيك انتي


موضوعك حلو شديد يا ود السر .. تسلم .....

******************************************************

كلك حلو كتب:[size=18][color=darkblue]
لمن يزهج الولد من البت ويفكها عكس الكتاحة

ود السر احيك على الموضوع اللزيز ده
بس شنو يعني لمن الولد يزهج من البت يفكها حكس الكتاحه؟!!!
الشاكوش هو :
لمن البت تزهج من الولد وكلامو الكتير وعدم موضوعو .... بتفكو عكس الهوى Laughing


يا كلك حلو عكس الكتاحة أبلغ من عكس الهوى .... لأنو لمن يقولوا ليك البت دي فكوها عكس الكتاحة دي معناها انو البت انتهت عديل و الشاكووش وزنو الف طن Razz ......... لكن لمن يقولوا ليك عكس الهوى دي أخف شوية .......
و الله يستركم من الشواكيش

_________________
[ندعوك للتسجيل في المنتدى أو التعريف بنفسك لمعاينة هذه الصورة]

النفس تبكي على الدنيا و قد علمت .... أن السعادة فيها ترك ما فيها

Awab.a
Admin

عدد المساهمات : 57
تاريخ التسجيل : 23/12/2009
العمر : 23

معاينة صفحة البيانات الشخصي للعضو http://uaeuss.yoo7.com

الرجوع الى أعلى الصفحة اذهب الى الأسفل

رد: ماااااهو الشاكووووش

مُساهمة  ميسون في الخميس ديسمبر 31, 2009 7:44 pm

ههههههههههههههههههههههههههههههههههه موضوعك حلو يادكتور ... لكن شاكووش طب الاسنان عجبني .. زكرني بواحده كده.. Razz cheers لوووول .. يسلمو يادكتور علي الشواكيش دي

ميسون
أعضاء الرابطة
أعضاء الرابطة

عدد المساهمات : 3
تاريخ التسجيل : 27/12/2009
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ماااااهو الشاكووووش

مُساهمة  حمود الطريفي في السبت يناير 02, 2010 9:20 pm

ههههههههههههههههههههههههههههههههههههه


روعـــــــــــــه والله يا ود السر وسلم يمنااااااك ع الموضووع الروعه



تقبل مروري...

حمود الطريفي
أعضاء الرابطة
أعضاء الرابطة

عدد المساهمات : 129
تاريخ التسجيل : 27/12/2009
العمر : 25
الموقع : نسيت

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ماااااهو الشاكووووش

مُساهمة  boggy في الإثنين يناير 04, 2010 3:59 am

كلية علوم التغذية ..
منال انتي سببتي لي تسمم في حياتي ..وعلاقتنا دي ناقصة فايتمين.. ولازم تنتهي لأنو الاستمرار فيها غير صحي على الاطلاق
وبعدين انا زهجت من المحاولات الفاشلة لتعقيم علاقتنا.. و زهجت من تطهيرك لجروحي القديمة...وبقى عندي عسر في هضم شخصيتك...حتى شهيتي للونسة مع البنات اتسدت
كفانا مواد حافظة يا دي


ههههههههههههههههههههههههه ساتي اوعا يقوم الكلام دا يحصل لينا ههههههههههههههههههههه

ود السر احييييييييي انا من مواضيعك دي...100% والله ماف اي كلام.

_________________
JuSt BeCoUse I LooK WrOnG...Am AbOuT To Do RiGhT

boggy
أعضاء الرابطة
أعضاء الرابطة

عدد المساهمات : 65
تاريخ التسجيل : 24/12/2009
العمر : 25
الموقع : www.reverbnation.com/krayzieao

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى