المدائح ....هل تجوز ؟

اهلا بيكم مرة تانية في منتدى النقاش الجاد....
الموضوع دا ماعارفة اوصلو كيف لاكين هو متعلق بالمدائح النبوية الحديثة البنشوفا وختو خطين تحت الحديثة دي
هل هي صحيحة ولا لأ بي كل مقايساااا يعني بي كل الاتجاهات مثلااا:

بقولو المعازف حرام ...طب كيف يمدحو الرسول ص بالموسيقى والالحان والمعازف؟
هل يصح مدح شخص اخر غير الرسول ص مع الرسول ص ؟
طيب بقولو الحاكم لازم يكون اهل للحكم ...والامام لازم يكون اهل للامامة...الشهادة ما بتقبل الا من زول اشتهر بالصدق والامانة...
دا كلو ما بالك الزول البمدح الرسول مش كمان لازم يكون يليق بيهو انو يمدح او اهل انو يمدح الرسول ص ....
يعني الزول الما بصلي ما المفروض يجي يقول للناس صلو .....

بقولو صوت المرأة عورة ....طب كيف يخلوهم يمدحو على مرأى من الجميع....؟
وهي لو عايزة الاجر ممكن تمدح في بيتا وبين مجموعة من النساء
وبي صراحة في مرات الزول ما بميز بين الحفلة العادية بالغنا العادي والمناسبات بتاعت المديح...(اشكال الناس_ الاغاني والالحان_ الرقيص)
انشالله كل الاسئلة دي بينت ليكم اني عايزة اوصل شنو....؟


وعايزة اضيف القران الكريم لايمسهو الا المتطهروون.....والرسول ص اعظم خلق الله فلازم البمدحو يكونو اهل لذلك

وباب النقاش مفتوح للجميع....


تحياتي.....ملك