علمناكم السرقة وسبقتونا على الابواب!

في البداية ارحب بجميع الاعضاء
من العنوان بتعرفو انو الموضوع متعلق بالسرقة وما شابه
الموضوع دا في غاية الاهمية لانو بمس مجتمعنااا وانتشر بصوووورة بشعة يكاد اليوم ما بخلو من جريمة ( سرقة و قتل ووووو)
وماشاء الله بقو يتفننو في تنفيذا ...النا س بيتطورو بالتكنولوجيا وفي مجتمعنا برضو بتفننو في تنفيذ الجريمة
اذا مشيتو السودان بس شوفو الجرايد وبتعرفو الحاصل ...الواحد بقى يخاف انو يطلع وما يرجع
والقصص كتيييييييييييييييييييييرة....قتل وقطيع و وبيع اعضاء وبلااااوي ...معنو الظاهرة دي ما كانت منتشرة بالطريقة دي
كان بنسمع عن السرقات الخفيفة لاكين حسة بقت على التقيل وعلى مستوى .....
في رايكم الحل شنو لي حل المشكلة الخطيرة دي .....
وهل بتشوفو انها فعلا مشكلا ولا انا ببالغ.....




تحياتي...ملك روحي

تمام متفقين اني ما قاعد ابالغ.....
بس يا اخ انحن بنتكلم عن مجتمعنا السوداني مالينا سبب بالبقية ...لانو دايما عايزين نكون الاحسن
وتانيا زي ما قلت ياريت تجي على السرقات الخفيفة دي ....موبايل وكدااا
قلت ليك الجريمة بقت على مستوى في السودان

وانت اكيد نسيت موبايلك في تة وشالوهو يعني قدمتو على طبق من ذهب .....الماعيز يشيلو بشيلووو هههه
لاكين ما لقيت جيبك مشروط ولا سرقوهو قدام عيونك اكيد لااااا


وللحديث بقية....


تحياتي ...ملك روحي

وعلى فكرة لو موبايل من النوع الغالي ..او عايزووو يعني... بلغ عليهو ناس الاتصالات ومجرد ما السرقو يخت فيهو اي بطاقة في البلد دي بلقوهو ليك وبجيبوهو ليك.....شوفت الفرق شاااسع كيف....ياريت كل السرقات زي هنا هههههههههههه


تحياتي ....وانشالله تلقى موبايلك ....



ملك روحي

موضوع شيق جدا يا زميلة.
و انا بشوف ان الظاهرة دي بالجد مشكلة كبيرة جدا و مهما كانت صغيرة من حقنا نبالغ فيها.
اما بالنسبة للحلول, فأنا لا اعتقد انو يوجد حلول للظاهرة دي الأ عن طريقة واحدة, و اللي هيا ان الحكومة تشبع الشعب من جميع النواحي, التعليمية,الصحية, و اهم ناحية المالية...و بالحديث عن السودان خاصة, احتواء الأرض السوادنية على عدد كبير من السكان, و المساحات الشاسعة, ها يجعل المهمة دي شبه مستحيلة..........
و شكرا

شكرا على المرور والمشاركة

بالنسبة للحلول الانت قلتهااا هي فعلا المفرووض تحصل
بس انت تفتكر الجريمة البتحصل بس دافعا الحوجة.....
طيب لو هي بس ...للحوجة وعدم وجود المال وكدا
تفتكر ليه ...بقو لمن يسرقو يقتلو الناس...
طيب حتى لو قتلوهم ليه بقطعوهم
طيب حيستفيدو شنو لمن يقتولو ليهم طفلة ...ويرموها في النيل
لمن يقطعو راس زول ويرموهو بعيد....
حيستفيد شنو الزول لمن يحرق مرتو بي موية النار....
طيب يهجمو على الناس في بيوتا ويقتليهم من غير اي سبب.....
كل الحاجات القلتهاااا حصلت وما اظن انها بي سبب الحوجة بس....لاكين بي جد مجتمعنا انتشرت فيهو الجريمة بي شكل فظيع
يمكن كانت الحوجة هي بداية الطريق لاكين حسة للاسف بقى مرض .....


وللحديث بقية...
تحياتي....ملك روحي

ادعم كلامك يا ملك لكن السرقة العادية هي كانت الأساس, حتى انحرفت الناس بعدها و جعلو لكلمة سرقة معنى جديد.
فيمكن لو نحنا خففنا الأسلاس, تخف نتائجها معاها. يعني انا اظن انو في احتمالية كبيرة لو نحنا فعلنا كل ما بوسعنا عشان نخفف من مستوى السرقة ها نقدر نخفف من مستوى الجريمة اللتي تلي السرقة.

ادعم كلامك يا ملك لكن السرقة العادية هي كانت الأساس, حتى انحرفت الناس بعدها و جعلو لكلمة سرقة معنى جديد.
فيمكن لو نحنا خففنا الأسلاس, تخف نتائجها معاها. يعني انا اظن انو في احتمالية كبيرة لو نحنا فعلنا كل ما بوسعنا عشان نخفف من مستوى السرقة ها نقدر نخفف من مستوى الجريمة اللتي تلي السرقة

انا معاك انها اكيد هي الاسااس...و كلامك صح ...
حتى السرقة بقت على التقيل سرقت اراضي وتزوير ونصب ....سبحان الله اي شي بقى على مستوى

تحياتي..
ملك روحي

بس غايتو ربنا يهديهم و يوريهم طريق الحلال.
دا كل البنقدر نقولو.

هههههههههههههههههه
دا اضعف الايماااان

انشالله نتمنى

تحياتي ملك....

ايوا عارف لأنو انا عارف نفسي ما ها اقدر اعمل اكتر من كدا.

هههههه تمام
كلنا والله ما عندنا غير الدعاء.....
وعندي موضوع تاني لمن انزلو تقدر تقول حتعمل شنو ....هههههههههههههههههههه



تحياتي..
ملك روحي

ننتظر بفارغ الصبر