مطبخ المنتدى

في منتدانا القديم كان في منتدى اسمو مطبخ المنتدى
لاكين هنا للاسف في ازمة في المنتديات لازم نختصر ههههههههههههههههههه
علشان كدا فتحت الصفحة علشان يكون عندنا مطبخ في المتدى لجميع استفسارات الطبيخ والاكلات وما شابه.....
وتساعد الزول لو عايز يطبخ ليهو اكلااا

طبعا ما تتعشمووو كتييييييييييييير لاكين بنحاااول نسااااعد لانو انحن شعارنا لا للطبيخ ههههههههههههههههه
وبنفضل الاكلات الجاهزة لاكين علشان ما تقولو عننا كدا فتحت الصفحة دي ....يعني برضو بنعرف نطبخ شوية هههه


وانشالله تستفيدووو
ولوو ولد عارف يطبخ يقووول ما يخجل يعني بنقدر
لانو في ازمة في عدد البنات هناااهههههههههههههه



تحياتي ملك روحي ...وانشالله يعجبكم الموضوع

تماااااااااااااااااااااام
اترقبو اجمل الأكلات


تحياتي..ملك روحي

اهـــــــــــــــــــــــــــــــــــــــــــــــــــــــــــــــــــا عاملين لينا شنو يا ملك


؟؟؟؟؟؟؟؟؟؟

عاملين كل خييييييييييييييييير


الاسباجيتي:
معكرونا النوع الطوييل
صلصلة الاسباجيتي:
زيت
ثوم
صلصلة
فلفل ملح كمون قرفة شطة ( بهارات)
مكعب مرقة ماجي
كوب ماء
فلفل اخضر

طريقة التحضير:....
المكرونة تضع كاملة دون تكسير في ماء مغلي وتضاف كمية صغيرة من الزيت والملح
وتضع في النار حتى الاستواء ثم تصفى من الماء

الصلصة......
يسخن الزيت وتكون كمية الزيت قليلة ثم يوضع الثوم بعد البشر...حتى يصبح باللون الذهبي
تضاف الصلصلة وتقلب مع الثوم وايضا اضفة القليل من الماء
تضاف الصلصة والماء على حسب الكمية التي تريد
بعد ذلك تضاف البهارات ومكعب مرقة ماجي وتقلب على نار هادئة
بعد ذلك تضاف قطع من الفلفل الاخضر في الصلصة


واخيرا تسكب الصلصة بالتدريج على المعكرونة وتقلب حتى تضمن انها غطتهااا


كل ماتكون الصلصة كتيرة بكون احسن
وبالهنا والشفااا


اي استفسار انا جاااهزة


تحياااتي....

اوووووووووووه وانا اقول اول ما خشيت المنتدى شميت رييحه حلوه
وانا من محبي الاسباقتي لكن ناس الرجيم زيي ممنوعه عليهم

ههههههههههه
فوكس تحياتي لك وشكرا على المرور والمشاركة
بالنسبة للريجيم لازم يجي يوم وتسيبووو هههههههههههه
لمن تخلص منوووو حتلقى الوصفة قاااعدة
واي سؤال انا جااهزة


لك مني كل الاحترام والتقدير
تحياتي..

حمود شكرا ليك على المشاااركة والمرور
للاسف الباشميل دي ما بعرفا لاكين ولا يهمك بشوفا في اقرب كتاب للطبخ ههههههههههه
لمن امشي المكتبة ......هههههههههه

لك مني كل الاحترام والتقدير
تحياتي....

البيتزااا
طبعا دي احلى اكلا ليا لاكين ما بتاعت البيت طبعا بتاعت المطعم (بيتزا هت)
لاكين الميزانية مرات بتكون خربانة خاصة اخر الشهر فما بكون عندي حل غير اني اسويهاا في البيت فبكل تواضع بقيت خبرة


ماراح اطول عليكم......

العجينة:
في البداية راح ابداها مقدار واحد لاكين للزيادة في العجينة بس ضاعفو الكمية بتاعت المكونات ....يعني لمن اعمل كباية دقيقة ...لو عايزين تزيدو يبقى كبايتين او 3 على حسب واي شي تضاعفوهو مش الدقيق بس المعالق وووو وهكذااا...

1كوب دقيق
ملعقة صغيرة سكر
ملعقة صغير حليب بدرة
نص كباية شاي زيت
ربع ملعقة صغيرة ملح
ملعقة صغيرة باكن باودر
ملعقة صغيرة خميرة فورية
بعد ما تخلطو المكونات دي كلها تبقو ا تزيدوها بالتدريج موية دافية في كباية
طبعا الموية ما بقدر اقول كمية معينة بس وانتو بتزيدو الموية بتعجنو العجينة لمن تحسو انها بقت متماسكة وما بتتلصق في اليد ... بتفك يعني
بعديها تختو العجينة في كيس وتربطو او في باغة علشان تفور....


مكونات الطبقة الفوق بالترتيب تختوها لمن تفرشو العجينة في صينية الفرن وياريت تكون دائرية الشكل

اول شي
الصلصلة ( صلصلة جاهزة مخصصة للبيتزا بتلقوها في المحلات)
شرائح طماطم
شرائح بصل
الفلفل تقطعوهو مكعبات (ما شرائح)
المشروم (غير اساسي) لاكين لو حابين تختو حمروهو في النار مع صلصة بسيطة وملح ...وبعدين تختوهو مع بقية المكونات
اللحمة المفرومة ( غير اساسية على حسب الرغبة) واذا عايزنها ما تكتروهااا وحمروها شديد في النار

الزيتون لاكين يكون اسود ما بنفع الاخضر
وبعديها تغطي العجينة بي جبنة الموزريلا وتكتروها علشان تمسك المكونات ..... ما اي جبنة تانية

طبعا انا بسويها من غير لحمة خالص


ملاحظة:
لمن تختو البيتزا في الفرن في البداية تخلوها تستوي من تحت بعدين تطفو النار التحت لمن تحسو انو العجينة حمرت من تحت وبعديها تولعو النار من فوق لمدة بسيطة يعني لمن الجبنة تسيح وتكونو دايما مراقبنهااا


بعدا دا تقطعوهااا مثلثات

وبالهنا والشفا
لاي استفسار انا جاااهزة...



تحياتي...ملك روحي

ماشاءالله تسلم الايادي